Previous
Next
Vision & Mission
အခြေခံရည်ရွယ်ချက်များ
၁။ ဖက်ဒရယ်ဒီမိုကရေစီ နိုင်ငံတော်သစ်တွင် တိုင်းရင်းသားများအားလုံး တန်းတူညီမျှမှုရှိသည့်၊ လွတ်လပ်စွာ စဥ်းစားတွေးခေါ်နိုင်မှုကို အားပေးသည့်၊ သုတေသနကိုအခြေပြုသည့် ဖက်ဒရယ်ပညာရေးစနစ်တစ်ခု ပေါ်ပေါက်လာစေရန်။
၂။ ဖက်ဒရယ်ပညာရေးစနစ်နှင့်အညီ တက္ကသိုလ်များ ကိုယ်ပိုင်အုပ်ချုပ်ခွင့် ( University Autonomy) ကို ရရှိပြီး အပြည့်အဝ ကျင့်သုံးဆောင်ရွက်နိုင်စေရန်။
၃။ ဤ စစ်အာဏာရှင်တိုက်ဖျက်ရေး တော်လှန်ရေးကာလအတွင်း အကြမ်းဖက်စစ်ကောင်စီနှင့် ပူးပေါင်းကာ လက်ပါးစေသဖွယ် အမိန့်နာခံဆောင်ရွက်ကြမည့် တက္ကသိုလ်အုပ်ချုပ်ရေး အဖွဲ့အစည်းများအစား ဆေးတက္ကသိုလ် – မန္တလေး၏ အုပ်ချုပ်ရေး၊ စီမံခန့်ခွဲရေး၊ ပညာရေးဆိုင်ရာ ကိစ္စရပ်များကို ဆောင်ရွက်သွားနိုင်ရန်။
လုပ်ဆောင်သွားမည့် လုပ်ငန်းစဥ်များ
၁။ အမျိုးသားညီညွတ်ရေးအစိုးရနှင့် ပညာရေးဝန်ကြီး ဒေါက်တာဇော်ဝေစိုးအား ဆေးတက္ကသိုလ် – မန္တလေး ကြားကာလ ယာယီတက္ကသိုလ်ကောင်စီ၏ လုပ်ငန်းစဥ်များနှင့် အခြေအနေများအား အစဥ်တစိုက် တင်ပြကာ ညှိနှိုင်းဆောင်ရွက်သွားမည်။
၂။ ယာယီတက္ကသိုလ်ကောင်စီအနေဖြင့် ဆေးတက္ကသိုလ် – မန္တလေး၏ ကျောင်းသားထု၊ ဆရာထု၊ ဝန်ထမ်းထုတို့နှင့် အဆက်အသွယ်မပြတ် ချိတ်ဆက်ကာ လုပ်ငန်းစဥ်များအား အချိန်နှင့်တစ်ပြေးညီ အသိပေးသွားမည်။
၃။ အကြမ်းဖက်စစ်ကောင်စီအား အာဏာဖီဆန်၍ ရုံးမတက်ကြသော ဆေးတက္ကသိုလ် – မန္တလေး၏ CDM သူရဲကောင်း ဆရာ/ဆရာမများနှင့် ဝန်ထမ်းများအား ကူညီပံ့ပိုးပေးနိုင်ရန် ဆောင်ရွက်သွားမည်။
၄။ အကြမ်းဖက်စစ်ကောင်စီလက်ချက်ဖြင့် ဖမ်းဆီးခံထားရသော ဆေးတက္ကသိုလ် – မန္တလေး၏ ကျောင်းသားကျောင်းသူများအရေးအတွက် အတတ်စွမ်းဆုံးအနေအထားဖြင့် ကူညီဆောင်ရွက်သွားမည်။
၅။ အကြမ်းဖက်စစ်ကောင်စီနှင့်ပူးပေါင်းသော ဆေးတက္ကသိုလ် – မန္တလေးမှ လက်ပါးစေ ဆရာ/ဆရာမများနှင့် ဝန်ထမ်းများအား ဖော်ထုတ်မှတ်တမ်းတင်ထားပြီး အနာဂတ်ဖက်ဒရယ်ဒီမိုကရေစီ နိုင်ငံသစ်ရောက်သော အချိန်အခါတွင် အပြစ်ပေးအရေးယူနိုင်ရေးအတွက် ဆောင်ရွက်သွားမည်။
၆။ ကြာရှည်စွာ ရပ်ဆိုင်းထားရသော ဆေးတက္ကသိုလ် – မန္တလေးမှ ကျောင်းသားကျောင်းသူများ၏ ဆေးပညာပြန်လည်သင်ကြားနိုင်ရေးအတွက် ပညာရေး အစီအစဥ်များ ချမှတ်ရေးဆွဲသွားမည်။
၇။ ဆေးတက္ကသိုလ် – မန္တလေး၏ အုပ်ချုပ်ရေး၊ စီမံခန့်ခွဲရေးနှင့် ပညာရေးဆိုင်ရာ ဆောင်ရွက်ချက်များ လုပ်ဆောင်နိုင်ရန်အတွက် ကော်မတီငယ်များကို အလျဥ်းသင့်သလို ဖွဲ့စည်းသွားမည်။
Previous
Next